Vendimi i qeverisë për mos hapjen e lokaleve të natës ka sjellë efektet e para.
Qindra qytetarë, që janë pjesë e bizneseve që preken nga Akti Normativ, kanë dalë në protestë para Kryeministrisë. Policia ka ndërhyrë dhe kërkon shpërndarjen e protestës, ndërsa ka përplasje mes palëve.
Edhe nesër në ora 21, shoqata e Bareve bëri me dije se do të protestojë kundër vendimit të qeverisë, para kryeministrisë.
Ministrja e Shëndetësisë, Ogerta Manastirliu njoftoi sot vendimin që ndalon hapjen e klubeve të natës, diskove, lounge barve dhe çdo lloj shërbimi të kësaj natyre në mjedis të mbyllur apo të hapur, përveç restoranteve.
/Gazetaatdheu.com/
