Një banor i është drejtuar redaksisë së JOQ Albania për të denoncuar gjendjen e rrugëve në fshatin Lalaj, Bashkia Fier.
Në pamjet e dërguara në redaksi shihen segmente të rrugës së amortizuar, me çarje të mëdha, gropa, zhavorr dhe sipërfaqe të dëmtuara.
Sipas banorit, gjendja e rrugës është veçanërisht shqetësuese me afrimin e dimrit, pasi reshjet e shiut mund ta bëjnë edhe më të vështirë lëvizjen e banorëve dhe automjeteve.
“Përshëndetje, mund të nis një video që i kam bërë rrugës së fshatit ku jetoj, fshati Lalaj, Bashkia Fier. Ju lutem, kërkojmë ndihmë për shtrimin e rrugëve, pasi po fillon dimri e këtu s’ke ku të kalosh.”
Në pamje dallohen dëmtime të thella në sipërfaqen e rrugës, ndërsa në disa segmente lëvizja bëhet mbi dhe dhe zhavorr.
Banorët kërkojnë ndërhyrjen e Bashkisë Fier për rehabilitimin dhe asfaltimin e rrugës, veçanërisht përpara përkeqësimit të kushteve atmosferike.
JOQ Albania publikon pamjet dhe shqetësimin e banorëve, duke kërkuar verifikimin e situatës dhe ndërhyrjen e institucioneve përgjegjëse.
