Prokurori që kishte marrë në hetim sulmin që iu bë një studio televizive në Ekuador rreth dy javë më parë, është vrarë!
Sipas mediave ekuadorjane, prokurori César Suarez u qëllua për vdekje në qytetin e Guayaquil, teksa ishte duke shkuar për në zyrën e tij. Nuk është ende e qartë nëse vrasja e prokurorit ka lidhje me hetimin e tij për sulmin ndaj televizionit, apo ndonjë konflikt tjetër.
Prokurori Suarez vetëm një ditë më parë kishte dalë në një studio televizive, ku kishte shfaqur shqetësimin e tij se edhe pse kishte marrë në pyetje 13 personat e arrestuar për krimin, policia nuk i kishte dhënë një urdhër mbrojtje. Vrasja e prokurorit është një ndër ngjarjet e fundit kriminale që kanë përfshirë vendin prej disa kohësh, që pas arratisjes nga burgu të dy bosëve të një bande kriminale që morën peng dhe rojet e institucionit ku vuanin dënimin.
Kujtojmë që disa ditë më parë një grup personash të armatosur u futën brenda ambienteve të televizionit “TC”, duke marrë peng dhe kërcënuar stafin i cili ishte në transmetim të drejtpërdrejtë. Ata i detyruan që të ulen në dysheme, ndërkohë që transmetimi u ndërpre.
