Një i ri shqiptar u kap duke u kujdesur për 505 bimë kanabisi, me një vlerë të mundshme prej 250,000 £ në një shtëpi në Angli.
Sipas mediave të huaja, i riu është identifikuar si Indrit Spata, 23 vjeç i cili kishte disa vite që ndodhej në Mbretërinë e Bashkuar nga Shqipëria.
Shtëpia ku i riu u gjet duke u ‘kujdesur’ për bimët, ishte izoluar mirë dhe kati i sipërm ishte shndërruar në një fabrikë kanabisi “shumë të sofistikuar”.
I riu ndodhet tashmë në duar te autoriteteve dhe pritet që të dalë para gjykatës. Në raportin për të, specifikohej se në momentin e arrestimit, i riu ka qenë i veshur me rroba të shtrenjta dhe syze të një firme të njohur.
Numri i shqiptarëve që janë të paligjshëm ka sjellë shqetësim në Britani, aq sa qeveria e Rishi Sunak menduar planin “Ruanda” për frenimin e tyre. Me gomone, duke kaluar kanalin e La Manshit, shqiptarët mendojnë se do gjejnë “parajsën” në Angli, pjesa më e madhe e tyre duke punuar në shtëpi bari.
