Një ngjarje tragjike ka ndodhur ditën e sotme në Klos.
Një 22-vjeçar ka humbur jetën teksa ishte duke punuar me linjën kabllore të internetit. I riu me iniciale D.P dyshohet se ka rënë aksidentalisht në kontakt me energjinë elektrike dhe ka humbur jetën menjëherë.
Hetimet vijojnë për zbardhjen e rrethanave të ngjarjes.
Mat/Informacion paraprak
Rreth orës 11:40, në fshatin Fshat në Klos, shtetasi D.P., rreth 22 vjeç, duke punuar me linjën kabllore të internetit, dyshohet se aksidentalisht ka rënë në kontakt me energjinë elektrike dhe për pasojë ka humbur jetën. Grupi hetimor ndodhet në vendngjarje dhe në drejtimin e Prokurorit, vijon punën për përcaktimin e saktë të shkakut të humbjes së jetës.
