Duhet të ishte një ditë normale pune për 29-vjeçarin tropojan Artan Mulosmani, që punonte si mekanik pranë një kompanie.
Por ai ka ndërruar jetë pasi është zënë poshtë pikërisht nga makineria që po riparonte, e cila i mori jetën djalit të ri.
Ngjarja e rëndë ka ndodhur ditën e djeshme në Tropojë, ku 29-vjeçari, i cili punonte në një kompani inertesh, ka mbetur i vdekur si pasojë e një aksidenti në punë.
Familja e tij ka hapur dyert e mortit, duke bërë edhe një njoftim me detaje nga varrimi.
“Miq, shokë e dashamirë me hidhërim të thellë, iu njoftojmë për ndarjen e parakohshme nga jeta të vëllait tonë Artan Mulosmani, në moshën 29-vjeçare. Ju njoftojmë që varrimi bëhet sot në orën 3 të pasdites në fshatin Bujan”,- shkruan i vëllai.
Lidhur me ngjarjen, Policia e Shtetit, ka arrestuar pronarin e biznesit të inerteve, për të cilin dihen vetëm inicialet Sh.M. 48 vjeç.
/Gazetaatdheu.com/