Andrea Kimi Antonelli vazhdon të mahnisë në sezonin e tij debutues në Formula 1.
Piloti 19-vjeçar i Mercedes triumfoi në Çmimin e Madh të Belgjikës, duke zhvilluar një garë perfekte nga “pole position” deri në vijën e finishit.
Italiani administroi me qetësi avantazhin që në start, neutralizoi presionin e Charles Leclerc në xhirot e para dhe nuk e lëshoi asnjëherë vendin e parë.
Në fund, Antonelli kaloi i pari flamurin me kuadrate, ndërsa Leclerc u rendit i dyti dhe Max Verstappen kompletoi podiumin.
Lewis Hamilton përfundoi garën në vendin e katërt, por mori një penalizim prej pesë sekondash pas incidentit në start që nxori jashtë gare George Russell.
Pas tyre u renditën Oscar Piastri, Isack Hadjar dhe Lando Norris, ndërsa fitorja në Spa-Francorchamps e çon Antonellin në 204 pikë në renditjen e përgjithshme.
Italiani tashmë kryeson kampionatin me 45 pikë më shumë se Lewis Hamilton dhe 50 pikë më shumë se George Russell, duke u konfirmuar si favoriti kryesor për titullin botëror.
Formula 1 rikthehet javën e ardhshme me Çmimin e Madh të Hungarisë, ku Antonelli do të synojë të zgjerojë edhe më tej avantazhin në krye të kampionatit.
