Përsëritet historia në Minneapolis të Shteteve të Bashkuara! Aty ku pak muaj më parë një person me ngjyrë, George Floyd u vra nga policia, e njëjta ngjarje ka ndodhur me një tjetër të ri.
Një natë para fundvitit, më 30 dhjetor, policia qëlloi për vdekje një 23-vjeçar me ngjyrë, të quajtur Dolal Idd, i cili u ndalua nga policia si i dyshuar për një krim. Por, i riu refuzoi urdhrin e ndalimit dhe tentoi të largohej me makinë.
Gjatë përpjekjes për t’u arratisur, 23-vjeçari qëlloi me armë ndaj efektivëve. Policia u përgjigj menjëherë, duke e ekzekutuar me armë zjarri.
Videoja e kamerës së trupit tregon oficerët që ishin pjesë e një Ekipi të Përgjigjes së Komunitetit – një njësi që shpesh merret me krime dhe situata me rrezik më të lartë. Oficerët dëgjohen të bërtasin për njerëzit që ndodhen në automjet për t’i vendosur duart e tyre lart. Oficerët dëgjohen duke bërtitur më shumë dhe më pas dëgjohet një e shtënë me armë dhe një vrimë shihet në dritaren anësore të shoferit te makina e bardhë.
Brenda makinës së të riut ishte edhe një femër, e cila nuk pësoi asnjë lëndim. As nga oficerët e policisë nuk pati të lënduar.
Shefi i policisë së Minneapolis tha se një armë u gjet në vendin e ngjarjes. Kurse kryebashkiaku i qytetit, Jacob Fray, tha se çështja i takon drejtësisë./dosja.al
