Policia e Beratit ka njoftuar ditën e sotme se ka proceduar tre persona, një prej të cilëve është pronari i një lokali në Poliçan që organizonte lojëra fati të paligjshme.
Po ashtu Policia ka proceduaer një 46 vjeçar në Dimal për arsye se ai ushtronte aktivitetin e tij i pa pajisur me kasë fiskale.
Gjithashtu filloi procedimi penal për shtetasin L. R., 49 vjeç., pasi me anë të mashtrimit ka përfituar një shumë eurosh nga një shtetas nga Mbretëria e Bashkuar.
Njoftimi:
DVP Berat
Organizonte lojëra fati nëpërmjet celularit, procedohet penalisht 1 shtetas.
Procedohen penalisht dhe 2 shtetas të tjerë, për vepra të ndryshme penale.
Nga specialistët e Seksionit për Krimin Ekonomik u procedua penalisht shtetasi K. T., 32 vjeç, banues në Poliçan, pasi në ambientet e lokalit në pronësi të tij, të cilin e kishte të paregjistruar si subjekt tregtar, u konstatua duke ushtruar aktivitetin e paligjshëm të lojërave të fatit online, nëpërmjet celularit.
Në cilësinë e provës materiale u sekuestruan shtatë aparate celular dhe një laptop.
Po nga specialistët e Seksionit për Krimin Ekonomik u procedua penalisht për veprën penale “Fshehja e të ardhurave”, shtetasi L. K., 46 vjeç, banues në Dimal, pasi gjatë kontrollit u konstatua duke ushtruar aktivitetin në lokalin e tij, i papajisur me kasë fiskale.
Gjithashtu filloi procedimi penal për shtetasin L. R., 49 vjeç., pasi me anë të mashtrimit ka përfituar një shumë eurosh nga një shtetas nga Mbretëria e Bashkuar.
Materialet i kaluan Prokurorisë së Rrethit Gjyqësor Berat, për veprime të mëtejshme.
