Një automjet ka marrë flákë në mes të autostradës Tiranë-Elbasan. Ngjarja ka ndodhur rreth orës 18:20 ndërsa zjarri ka shkaktuar vetëm dëme materiale.
Policia njoftoi se automjeti u përfshi nga flakët kur ishte në brendësi të tunelit.
Automjeti ishte në pronësi të shtetasit të identifikuar me inicialet F.N.
Dyshohet se gjithçka u shkaktua për shkak të një defekti teknik, ndërsa nuk ka asnjë person të lënduar.
Shërbimet e zjarrfikëses mbërritën në vendngjarje dhe bënë të mundur shuarjen e zjarrit.
Policia dhe grupi hetimor vijojnë punën për zbardhjen e plotë të rrethanave të ngjarjes. /GazetaAtdheu.com/