Përplasjet mes policisë dhe protestuesve janë shënuar edhe me kryebashkiakun e Memaliajt, Albert Malaj, gjatë protestës së zhvilluar sot pranë xhamisë së Namazgjasë. Në pamjet e publikuara nga protesta, Malaj shihet duke u përplasur me efektivët e policisë.
Në disa momente, efektivët e tërheqin zvarrë kryebashkiakun, ndërsa dëgjohen duke i kërkuar të largohet. Incidenti ka ndodhur në një situatë tensioni mes forcave të rendit dhe protestuesve, të cilët kanë kundërshtuar nismën për reformën e re territoriale.
Protesta qytetare është zhvilluar kundër propozimit të Partisë Socialiste për riorganizimin territorial, që parashikon shkrirjen e 15 bashkive. Tubimi është shoqëruar gjatë ditës me përplasje dhe tensione mes protestuesve dhe policisë.
<iframe width=”460″ height=”818″ src=”https://www.youtube.com/embed/SorOvQPzTsc” title=”Efektivët e tërheqin zvarrë kryebashkiakun” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>
