Uragani që ka nisur në SHBA duket se e ka sjellë këtë herë valën shpejt në Shqipëri. Revanshi dhe mbështetja masive popullore që Presidenti amerikan Donald Trump, po merr ndaj kundërshratëve dhe lobimeve që nxitën protestat e dhumshme në SHBA, me pretekstin dhe diskriminimit racial, ka frikësuar pa masë gjithë estabilishmentin që po lian me pandeminë e koronavirusit për instalimin e një socializmi të ri global.
Kjo duket se ka qenë edhe arsyeja pse kryeministri Rama, që prej ditësh po shton numrat e të infektuarve me COVID-19 me punonjësit e administratës shtetërore, reagoi sot ashpër duke u kujtuar shqiptarëve burgosjen popullore.
Rama nuk foli për asgjë të re nga ajo që opinioni do të donte të dëgjonte, por risolli edhe një herë si në ditët e marsit, presionin, frikën dhe kanosjen për të gjithë popullin, që tashmë pasi e ka kuptuar skenarin dhe lojën që po bën Rilindja, ka nisur të organizohet.
Kryeministri Edi Rama duke përmendur masat represive si burgun, gjobat dhe dhunën policore, ka folur për tre ndalime, që në fakt janë të vendosura prej kohësh nga qeveria në kuadër të masave kundër përhapjes së COVID-19, por që janë theksuar edhe njëherë prej tij sot.
Rama tha se, nuk do të lejohet asnjë lloj grumbullimi, qoftë dhe politik, më shumë se sa numri i personave të lejuar nga protokollet.
Po kështu, ai ka paralajmëruar edhe bizneset dhe qytetarët se nëse nuk zbatojnë masat, do të penalizohen.
“Pasi kam folur gjerë e gjatë me ekspertët dhe ministren e shëndetësisë:
- Nuk do të lejojmë më në asnjë mënyrë asnjë lloj grumbullimi, qoftë dhe politik. Ju them të gjithëve vazhdoni punën, liria e lëvizjes është e garantuar, liria e shprehjes nuk është diskutuar ndonjëherë por grumbullime më shumë se sa numri i personave të lejuar nga protokollet e sigurisë nuk do lejohen më. Policia e Shtetit duhet dhe do bëjë detyrën pa asnjë dallim. Kush merr pjesë në grumbullime apo në grupime më të mëdha se sa numrin e lejuar do të penalizohet drejtpërdrejt individualisht.
- Bizneset që nuk do të respektojnë protokollet nuk do tolerohen më. Përveç gjobave rrezikojnë dhe heqjen e lirisë nëse kapen duke shkelur protokollet.
- Qytetarët do të penalizohen nëse kapen në shkelje të rregullave të thjeshta por shumë të bezdisshme të distancimit social në hapësira të përbashkëta. Kështu nuk vazhdohet më tutje”,- deklaroi Rama./M.Nano/Gazetaatdheu.com/
