Të shtunën më 2 maj, një video telefonatë midis kryeministrit Conte dhe themeluesit të Microsoft Bill Gates për vaksinën e koronavirusit, ka sjellë reagimin e ashpër të filozofit italian Fusaro: Me çfarë statusi e telefonuat?
Të gjitha gazetat më të rëndësishme italiane përcollën lajmin, duke filluar nga Corriere della Sera.
Themeluesi i Microsoft dhe Kryeministri italian, diskutuan përparimin e bërë në studimin e një vaksine të testuar në Oksford, e cila po bashkëpunon gjithashtu me Italian Advent-Irbm, një kompani me qendër në Pomezia, afër Romës, Blastingnews.
Sipas Corriere, Gates vendosi të kontaktonte Conte për të diskutuar “investimin e ardhshëm” mbi vaksinat e koronavirusit.
Gates përmes fondacionit të tij filantropik, fondacioni Bill & Melinda Gates, ka investuar tashmë 250 milion dollarë në hulumtimin e vaksinave.
Lajmi i video telefonatës midis Gates dhe Conte zemëroi filozofin sovran Diego Fusaro i cili u çudit se me “çfarë statusi” themeluesi i Microsoft diskuton këtë temë me një kryetar qeverie.
Filozofi përcakton Bill Gates si “një milioner të mirënjohur ultra-kapitalist”.
Pika specifike që Fusaro synon të nënvizojë nuk ka të bëjë me aspektin teknik dhe shkencor të përdorimit të vaksinave, por implikimet politike të tregimit.
