Kryetari i Partisë Demokratike, Sali Berisha u shpreh se pas aferës së Portit të Durrësit fshihet kryeministri Rama dhe ish-kryedemoktrati Luzim Basha. Më tej, Berisha tha se do të publikojë disa dokumente që provojnë akuzat e tij.
Ish-kryeministri tha se kjo është vjedhja më e madhe që po i bëhet Durrësit dhe Shqipërisë.
“Ky monizëm nuk ka të ndalur, aferat e tmerrshme të Edi Ramës janë unike në botë. Pasi ka vjedhur 420 milionë euro me firmën e tij për ndërmarrjen e tij të djegësve, vërsulet i tërbuar për të vjedhur 1 milion metër katror tokë në një sipërmarrje, shumë shpejt do e njihni, me dokumente false.
60 për qind të aksionerëve janë Edi Rama dhe Lulzim Brava dhe mafiozët e tyre. Po organizojnë në Durrësin e Shqipërisë vjedhjen më të tmerrshme në histori”, tha ai.
