Trupi i pajetë i një 47-vjeçari është gjetur ditën e sotme në shtratin e lumit Vjosë.
Policia e Memaliajt bën të ditur se bëhet fjalë për 47-vjeçarin me inicialet B. H., i humbur që në datën 31 mars.
Policia e Memaliaj/ Informacion paraprak.
Më datë 09.04.2021, në vendin e quajtur ‘Ura e Memaliaj’, në shtratin e lumit Vjosë është gjetur i pajetë shtetasi B. H., 47 vjeç, banues në Memaliaj.
Ky shtetas është larguar nga banesa në datën 31.03.2021, pasi vuante nga probleme të shëndetit mendor.
Nga këqyrja paraprake në trupin e tij nuk janë konstatuar shenja dhune.
Në vendngjarje ndodhet grupi hetimor dhe po punon për zbardhjen e rrethanave të ngjarjes.
