Një incident ka tronditur futbollin turk në ndeshjen mes ekipeve të MKE Ankaragucu dhe Caykur Rizespor, ku gjyqtari i ndeshjesh Halil Umut Meler u godit në fushë duke humbur ndjenjat.
Ishte presidenti i klubit të MKE Ankaragucu, Faruk Koca i cili sulmoi gjyqtarin e liçensuar nga FIFA për gjykimin e ndeshjeve futollistike. E gjitha kjo ndodhi pas një faulli që shpalli gjyqtari në minutën e 97 të ndeshjes, që dërgoi në barazimin e rezultatit 1-1.
Kishte mbaruar ndeshja kur presidenti Koca u fut në fushë dhe qëlloi me grusht gjyqtarin Meler. Ky i fundit humbi ndjenjat pas goditjes, dhe iu nevojit ndihma mjekësore që fillimisht e mori në fushën e lojë dhe më pas u dërgua me urgjencë në spital.
Për rastin ka pasur shumë reagime, mes tyre Federata Turke e Futbollit që pezulloi të gjitha ndeshjet e ligës deri në një moment të dytë. Presidenti i federatës Mehmet Buyukeksi paralajmëroi se klubi përgjegjës dhe drejtuesit e tij që janë përgjegjës do të ndëshkohen rëndë.
Edhe presidenti Erdogaan e ka dënuar sulmin, duke i uruar gjyqtarit shërim të shpejtë. Sipas tij, “sporti do të thotë paqe dhe vëllazëri, dhe se nuk do tw lejohej nw asnjw mwnyrw dhuna nw eventet sportive nw Turqi”.