Presidenti i Ugandës, Yoweri Museveni, u ka bërë thirrje udhëheqësve afrikanë që të refuzojnë “promovimin e homoseksualitetit”, duke shtuar se ai do të nënshkruajë një projekt-ligj anti-LGBTQ+, i cili u miratua nga parlamenti muajin e kaluar.
Projektligji, i cili vendos dënimin me vdekje për “homoseksualitetin e rënduar” dhe burgimin e përjetshëm për “rekrutim, promovim dhe financim” të aktiviteteve të të njëjtit seks”, është kritikuar gjerësisht ndërkombëtarisht, me Komisionerin e Lartë të OKB-së për të drejtat e njeriut duke i kërkuar presidentit të mos e nënshkruajë atë.
Duke folur të dielën, Museveni tha se homoseksualiteti ishte një kërcënim dhe rrezik i madh për riprodhimin e rracës njerëzore.
“Afrika duhet të sigurojë drejtimin për të shpëtuar botën nga ky degjenerim dhe dekadencë, e cila është me të vërtetë shumë e rrezikshme për njerëzimin. Nëse njerëzit e seksit të kundërt pushojnë së vlerësuari njëri-tjetrin, atëherë si do të përhapet raca njerëzore?” tha ai.