Presidenti rus Vladimir Putini ka urdhëruar ndërtimin e dy avionëve të rinj që do të strehojnë atë dhe komandën e tij në një luftë të mundshme bërthamore.
Sipas New York Post, avioni në fjalë do të funksionojë si qendra komande dhe kontrolli në rast të një lufte të mundshme bërthamore.
Sipas të njëjtit lajm, avionët do të presin zyrtarë ushtarakë dhe civilë si dhe Putin, nëse një skenar i tillë është i vërtetë.
Agjencia RIA-Novosti raportoi se ndërtimi i avionit të parë është duke u zhvilluar në qytetin qendror rus të Voronezh.
Modelet e reja do të zëvendësojnë avionët Ilyushin Il-96 dhe Ilyushin Il-80 ekzistuese të Doomsday që kanë qenë në shërbim që nga fundi i viteve 1980.
Avionët e rinj do të kenë dyfishin e diapazonit të fluturimit nga paraardhësit e tyre dhe do të kenë një distancë fluturimi prej 3,700 milje (6 mijë kilometra), njoftoi RIA-Novosti.
Sërish sipas New York Post avionët nuk kanë dritare përveç kabinës dhe do të jenë në gjendje të qëndrojnë në ajër për ditë të tëra duke u furnizuar me karburant në ajër.
Fjala për ndërtimin e avionëve të rinj të Doomsday erdhi disa orë pasi sekretari i shtypit i Pentagonit John Kirby postoi një video ku avioni i komandës dhe kontrollit të Forcës Ajrore të Shteteve E-4B, furnizohej me karburant në ajër.
