Simpatizantët e Lëvizjes Vetëvendosje po protestojnë në sheshin “Skënderbeu” në Prishtinë, me vetëm një thirrje: “Duam zgjedhje”.
E konsideruar test-protesta, u organizua në prag të vendimit të Gjykatës Kushtetuese për dekretin e presidentit Hashim Thaçi, për mandatarin për formimin e qeverisë.
Kryeministri në detyrë Albin Kurti nga ballkoni i Qeverisë ka përshëndetur të gjithë ata që po marrin pjesë në test-protestën që po organizohet nga partia që ai drejton.
Ky veprim i Kurtit është pritur me duartrokitje nga protestuesit.
