Presidenti i vendit, Vladimir Putin, deklaroi dje se vaksina e tyre për koronavirusin është e para në botë.
Putin e konfirmoi këtë pasi vaksina kishte hyrë në fazën e tretë të testimeve, duke u dhënë njerëzve si garanci besueshmërie bërjen e saj edhe nga vajza e tij.
Edhe pse mbarë bota me në krye OBSH-në kanë nisur nga kontestimet dhe provat e kundraprovat për këtë vaksinë, Rusia duket se u ka bërë “shah mat” shteteve që po orvaten për të nxjerrë sa më parë “kundrahelmin”.
Debati ka përfshirë në këto dy ditët e fundit edhe mediat ndërkombëtare, ku po vihet në dyshim gjithë puna e laboratorëve rus mbi këtë vaksinë, ka detyruar këtë shtet që të mbajë edhe qëndrim zyrtar.
Nisur nga kjo, ka reaguar dje zyrtarisht edhe ambasada e Federatës Ruse në Tiranë, duke dhënë një variant qeveritar, por edhe për të qetësuar opinionin.
Në reagimin e Ambasadës thuhet se, vaksina ka kaluar të gjitha kontrollet e nevojshme, ndërsa tani pritet përfundimi i fazës së tretë të testimeve.
Sipas kësaj Ambasade, me gjasë e gjithë bota mund ta ketë gati këtë vaksinë në muajin Janar të vitit që vjen.
Postimi i ambasadës ruse në Tiranë:
“Presidenti Rus Vladimir Putin ka njoftuar sot për regjistrimin e vaksinës ruse kundër koronavirusit.
Ajo ka kaluar të gjitha kontrollet e nevojshme, ndërsa tani pritet përfundimi i fazës së tretë të testimeve.
Që nga muaji shtator parashikohet vaksinimi i personelit mjekësor dhe pedagogjik, kurse për grupet e tjera të shtetasve ajo pritet të jetë e disponueshme nga janari 2021″.
/Gazetaatdheu.com/