Partia Demokratike paraqiti sot pjesën ekonomike të programit të saj, ku përfshihen premtimet lidhur me hapjen e vendeve të reja të punës, rritjen e pagës minimale, rritjen e pagave për mjekët e infermierët, uljen e taksave, garantimin e konkurueshmërisë për bizneset etj.
Alfred Rushaj, një nga ekspertët e PD-së në fushën e ekonomisë, duke paraqitur detajet, tha se për çdo fëmijë të lindur, ne do të japim 3 mijë lekë në muaj për 5 vite. Sipas tij, nga kjo masë do të përfitojnë rreth 30 mijë familjeve të reja.
Ndërkohë premtohet që rreth 90 % e studenteve do të mbështeten financiarisht nga qeveria për të paguar tarifat e arsimit.
Një tjetër premtim i prezantuar nga Rushaj është rritja e pagave të arsimtarëve me 60%.
Ai tha se do ulim çmimin e energjisë për konsumin deri në 300 kËh dhe një familje e thjeshtë do kursejë rreth 8500 lekë në vit, masë kjo që do të lehtësojë ndjeshëm shpenzimet e së paku 710 mijë familjeve.
Do të rrisim çdo vit pensionet për rreth 650 mijë pensionistë, sa dyfishi i inflacionit vjetor, por në çdo rast jo me pak se 5% ne vit. Ne do bëjmë çmos që ata të trajtohen me sa më shumë dinjitet e konsideratë për kontributin e çmuar që kanë dhënë për Shqipërinë.
Gjithashtu do te dyfishojmë ndihmën ekonomike për 60 – 70 mijë familje”, tha Rushaj.
Ai tha se do të bëjmë të pamundurën që mjekëve dhe infermiereve t’ju japim dinjitetin që meritojnë. Paga e një mjeku do të shkojë 1200 Euro dhe paga e infermierëve do të shkojë në 700 Euro. Janë 4500 mjekë dhe 14 mijë infermierë.
/boldnews
