“Brenda selisë së Partisë Demokratike nuk është gjetur asnjë send i jashtëligjshëm”. Në këto përfundime ka dalë Prokuroria e Tiranës.
Këto detaje janë zbardhur nga seanca e kësaj të mërkure në Gjykatën e Tiranës, ku trupa është tërhequr para pak minutash për shqyrtimin e masave për 34 të ndaluarit që akuzohen për vepra të dhunshme.
Ish-kryeministri, Sali Berisha dhe mbështetësit e tij kanë akuzuar kryedemokratin Lulzim Basha për përdorim të sendeve të jashtëligjshme si gaz lotësjellës, apo mjete të tjera.
Përmendim që protesta e organizuar nga ish-kryeministri Berisha në datën 8 janar, u komentua si protestë e dhunshme.