Protesta të dhunshme kanë shpërthyer në Gjeorgji, pasi qytetarët kundërshtojnë ligjin për “agjentë të huaj”. Gjatë protestës situata ka kaluar në dhunë fizike mes qytetarëve dhe dhunës së policisë. Të paktën 50 persona janë ndaluar nga policia jashtë Parlamentit të Gjeorgjisë më 7 mars.
Teksa protestuesit kanë tentuar të hyjnë në ndërtesë, si shenjë kundërshtimi ndaj vendimit të deputetëve, ndaj tyre janë hedhur topa uji dhe ka shpërthyer zjarr. Sikur shohim dhe në fotot me poshtë ka dhe shumë persona të lënduar, të shtrirë përtokë. Ndërkohë edhe forcat e policisë janë sulmuar me mjete të rënda nga qytetarët e revoltuar dhe situata është degraduar.
Parlamentarët e Gjeorgjisë kanë miratuar dje me urgjencë një projektligj, i cili t’iu kërkon organizatave që fitojnë më shumë se 20 për qind të fondeve të tyre nga jashtë, që të regjistrohen si “agjentë të huaj”. Edhe kryediplomati i BE-së, Josep Borell, e ka quajtur projektligjin si “zhvillim shumë të keq” në këtë shtet kaukazian. Por, qeveria ka bërë miratimin e tij që pas shqyrtimit të parë.