![Protestë në Tel Aviv, izraelitët kërkojnë dorëheqjen…](https://tvanews.com/wp-content/uploads/2024/01/1706379341_kllklklk-650x365.jpeg)
Protestues nga grupe dhe organizata të ndryshme u mblodhën në sheshin Habima në Tel Aviv në një demonstratë antiqeveritare, mbrëmjen e kësaj të shtune. Protestuesit mbanin tabela që denoncojnë dështimin e qeverisë së së Izraelit në lidhje me sulmin e Hamasit më 7 tetor dhe bëjnë thirrje për dorëheqjen e kryeministrit Benjamin Netanyahu. Mes tyre janë anëtarë të Frontit Rozë, një grup protestuesish kundër Netanyahut i krijuar në vitin 2020.
Që pas nisjes së sulmeve në Gaza, mbështetja ndaj Netanyahut ka rënë ndjeshëm. Prej muajsh, izraelitët po kërkojnë largimin e tij, ndërsa pak kohë më parë u ngrit edhe një mocion mosbesimi ndaj Netanyahut.
Ndërkohë që së fundmi, SHBA, Kanadaja, Australia dhe Italia kanë vendosur të pezullojnë fondet për agjencinë e Organizatës së Kombeve të Bashkuara për refugjatët palestinez, UNRWA pasi dyshohet se disa punonjës të agjencisë janë përfshirë në sulmet e Hamasit në Izrael më 7 tetor 2023.