Para se të hynte në sallën e gjyqit, ish-presidenti amerikan, Donald Trump nuk bëri një deklaratë para gazetarëve, diçka që disa këshilltarë e kishin pritur që ai të bënte.
“Ne kishim përshtypjen se ai mund të bënte një deklaratë të shkurtër përpara se të hynte, dhe mendoj se fakti që ai nuk e bëri është i dukshëm. Kjo tregon për mua potencialisht se çfarë ai pa në aktakuzë shkon më tej sesa priste”, tha për CNN ish-drejtoresha e komunikimit e Shtëpisë së Bardhë të Trump, Alyssa Farah Griffin.
Griffin tha se mungesa e një deklarate mund të nënkuptojë gjithashtu se “avokatët ka të ngjarë të jenë në kundërshtim me këshilltarët e komunikimit”.
Këshilltarët i thanë CNN më herët të martën se ish-presidenti planifikoi të jepte një deklaratë të shkurtër përpara se të shkonte brenda sallës së gjyqit. Ai pritet të flasë para kamerave në korridorin jashtë sallës së gjyqit në Manhatan pas akuzës së tij, sipas një prej avokatëve të Trump, Chris Kise.
