Interneti ka mbetur i habitur pse Hasbulla Magomedov duket shumë më i ri nga sa është në të vërtetë dhe në fakt shumë persona nuk e besojnë moshën e tij të vërtetë. Në realitet ai është 20 vjeç, por gjatësia e trupit të tij e bën të duket si një i mitur.
Edhe pse ai vetë nuk ka treguar ndonjë arsye pse është i shkurtër, një mjek thotë se ai mund të ketë një gjendje të rrallë gjenetike të quajtur Mungesa e Hormonit të Rritjes (GHD).
Dr. Karan Raj sugjeroi se Hasbulla ka lindur me gjendjen që ndodh kur gjëndra e hipofizës së trurit, e cila është përgjegjëse për prodhimin e shumicës së hormoneve të trupit, nuk mund të prodhojë hormone të rritjes.
Shkaku i mungesës së hormonit të rritjes ndonjëherë mund të jetë i paqartë, megjithatë, nuk mendohet të jetë i trashëguar. Ajo mund të jetë e pranishme në lindje ose të zhvillohet më vonë në fëmijëri dhe është më e zakonshme tek meshkujt sesa tek femrat.
GHD diagnostikohet duke përdorur teste gjaku për të matur nivelet e disa hormoneve brenda gjakut. Gjendja njihet edhe si xhuxhizëm ose xhuxhi hipofizë dhe mund t’i bëjë fëmijët të duken të shkurtër në shtat, por me përmasa normale të trupit, raporton Ladbible.
Dr Raj shpjegon se si mjekësia dhe shkenca ende nuk kanë dalë me një përgjigje të mirë se si ose pse ndodh GHD, megjithatë, ai tha se mund të trajtohet nëse adresohet mjaft herët. Fëmijët me GHD mund të marrin injeksione të Hormonit të Rritjes Njerëzore (HGH) për të inkurajuar trupin e tyre që të rritet njejtë me moshën, por procedura mund të jetë e shtrenjtë.
Injeksionet duhet të bëhen çdo ditë dhe efektet zakonisht mund të shihen rreth tre deri në katër muaj më vonë. Dr Raj më pas shpjegon në videon e tij se kjo i ndodhi yllit të futbollit Lionel Messi, i cili u diagnostikua me mungesë të hormonit të rritjes në moshën 10-vjeçare.
Hasbulla për herë të parë u bë i famshëm në vitin 2021. Ai numëron mbi gjashtë milionë ndjekës në Instagram dhe 4.7 miliardë shikime në TikTok.
