Vijojnë akuzat ndaj kryetarit të Bashkisë së Tiranës Erion Veliaj lidhur me cësthjen e kompanisë “Eco Tirana”, me të cilën bashkia ka një kontratë për pastrimin dhe diferencimin e mbetjeve urbane në kryeqytet.
Ina Zhupa, zëdhënësja e Partisë Demokratike shprehet se, Veliaj vazhdon të hesht për aferen e pastrimit të parave të pista të mafias italiane nëpërmjet kompanisë “Eco Tirana” sh.a .
“Eco Tirana nuk ka përmbushur asnjë nga kushtet e kontratës edhe përsëri vazhdon të marr paratë e qytetarëve të Tiranës. Një vezhgim i thjeshtë na tregon së asgjë nuk është realizuar nga projekti i diferencimit të mbetjeve në burim, koshave të rinj, teknologjise së re të përpunimit sipas kontrates nuk është bërë!!! Në fund të 2017 do e kishim në gjithë Tiranën, kosha të diferencuar dhe diferencimin e mbetjeve në burim. Sot jo vetëm që nuk është përhapur në gjithë Tiranën siç ishte parashikuar dhe premtuar por edhe në zonën 1 ku Bashkia Tiranë vendosi kosha për diferencim mbetjesh me propagande të madhe kanë dështuar. Mbledhja e mbetjeve nga makinat e kompanisë“Eco Tirana” bëhet e përbashket në një makinë edhe e koshave blu dhe ato jeshil, që do të thotë diferencimi i mbetjeve ka dështuar”, shprehet Zhupa.
Ajo drejton disa pyetje që ngrenë dyshime për plane të errëta të kryetarit të Bashkisë së Tiranës:
- Pse Veliaj paguan me miliona euro nga taksat tona kompaninë “Eco Tirana” kur nuk përmbush kontraten?!
- A është qëllimi i “Eco Tirana” pastrimi i parave të pista të mafias italiane?
- A është pastrimi i Tiranës thjeshtë një fasadë ndaj edhe nuk kryhet asgjë dhe përsëri nuk penalizohet?
- A janë duke u zhvatur qytetarët e Tiranës vetem për ti shërbyer interesave mafioze të Veliaj dhe ortakeve të tij italiane?
Pyetjeve, sipas Zhupës, SPAK duhet t`i jap pergjigje duke hetuar per ceshtjen. “Koha e hetimeve të thelluara dhe daljes para pergjegjësive të Veliaj dhe kujdo tjetër është tani”, përfundon ajo.
https://www.facebook.com/inazhupaPD/videos/vb.1013310425407030/363610581281833/?type=2&theater
