Publikohet fotoja e autorit të vrasjes së 29-vjeçarit Jurgen Duka. Personi që shikoni në vijim është Arbër Sula, efektiv i Policisë së Shtetit. Ai është shpallur në kërkim për ngajrjen e ndodhur pas mesnate në “Vasil Shanto”. Mësohet se pas një konflikti të çastit, Sula qëlloi me armë zjarri drejt Jurgen Dukës duke e lënë të vdekur në vend.
“Në vijim të veprimeve të kryera nga grupi hetimor, pas këqyrjes së pamjeve filmike dhe verifikimeve të kryera, është bërë i mundur identifikimi i autorit të dyshuar të vrasjes së shtetasit Jurgen Duka (Mëziri), i cili është shtetasi Arbër Sula, banues në Sauk, punonjës policie në DVP Dibër”, tha më herët Policia, teksa shtoi se ka mundur të zbulojë identifikimin e autorit.
Blutë e kryeqytetit njoftuan se autori i dyshuar nuk ka qenë në shërbim gjatë ngjarjes, por me vete mbante armën e zjarrit pistoletë. Ende nuk është saktësuar ende nëse pistoleta ishte ajo që mbante gjatë detyrës në Dibër, apo polici Arbër Sula lëvizte me armë tjetër pa leje.
