Varianti “Delta” i koronavirusit ka rritur numrin e infektimeve në Qipro, ndaj qeveria vendosi të ndërmarrë masa të reja shtrënguese që do të hyjnë në fuqi nga data 20 korrik.
Sipas mediave të huaja, ekspertët menduan se kjo do të ishte mënyra më e mirë për të parandaluar përhapjen e virusit, ndaj në tavolinat e restoranteve nuk do të lejohen më shumë se 10 persona, ndërkohë që në vendet me muzikë do të lejohen vetëm qytetarët e vaksinuar ose ata që kanë vërtetim se e kanë kaluar virusin në 6 muajt e fundit.
Gjithashtu qeveria ka vendosur të japë kupona dhuratash për të gjithë të rinjtë që vaksinohen. Do të jenë 30 kompani private të sektorëve të ndryshëm që do të ofrojnë dhurata për qytetarët e moshës 18-30 vjeç që do të pranojnë të vaksinohen.
