Disa qindar qytetarë protestuan këtë mbrëmje para Parlamentit të Malit të Zi, kërkesa kryesore ishte mbajtja e zgjedhjeve të parakohshme.
Protesa u mbështet nga partitë opozitare, në krye me Partinë Demokratike Socialiste të presidentit Milo Gjukanoviç dhe u organizua nga Forumi “Luça”.
Protestuesit brohoritën slogane kundër Qeverisë teknike të Dritan Abazoviçit dhe partive që kanë shumicën në Parlament, në krye me Frontin Demokratik pro-rus, dhe mbanin në duar flamuj kombëtarë, të Bashkimit Evropian, Shteteve të Bashkuara dhe Ukrainës.
Sloganet e tubuesve ishin: Tradhtia nuk është demokraci, Nuk ka relaksim me fashizmin, Ne jemi këtu për Malin e Zi dhe për BE-në si dhe Nuk do t’ua japim Malin e Zi.
