Disa qytetarë në Tiranë po protestojnë të shtunën kundër vaksinimit me detyrim. Ata janë mbledhur në sheshin ‘Nënë Tereza’. Ata mbajnë pankarta në duar, të cilat shprehin kundërshtinë e tyre ndaj vendimit për një vaksinim të detyruar. Sipas qytetarëve po bëhet eksperiment me trupat e tyre
“Jo vaksinimit të detyruar, të paligjshëm, eksperimental”, “Jo vaksina me forcë, jo 5G”, janë disa nga shkrimet që mbajnë ata në duar.
“Ata pretendojnë se edhe ata vetë nuk e dinë se çfarë pasojash kanë. Unë nuk e di nëse ata nuk e dinë. Përfundon me kartën e pacientit. A ka të drejtë dikush që të fusë në trupin tonë diçka që ne nuk duam. Poshtë diktatura! Që të nxjerrin ligjet për studentët pastaj për shkollat e mesme, pastaj për kopshtet”, shprehet njëri prej protestuesve.
Në Shqipëri është bërë me detyrim vaksinimi i studentëve, pedagogëve, mjekëve dhe zyrtarëve të administratave.
