Çdo vit në periudhën e verës shqiptarët bien pre e pangopësisë së bizneseve në plazhet e Jugut.
Të shumta janë rastet e denoncimeve, të cilat mbërrijnë përmes fotografive nga qytetarët
Ata ankohen pasi, për pak produkte kanë shpenzuar fatura marramëndëse në pushimet e tyre në Jug të vendit.
Duke filluar nga plazhi i Durrësit, Vlora, Saranda, një filxhan kafeje apo një shishe uji, marrin kosto shumë më të larta në disa prej bizneseve.
Një qytetar ka shkruar në redaksinë e “JOQ-Albania”, duke shprehur pakënaqësinë e tij dhe habinë pasi ka marrë një shezllon me 7 mijë lekë në Durrës.
Ndërsa mësoi se prej ditës së djeshme, çmimi shkoi në 10 mijë lekë shezloni.
Ai tregon se, edhe në Itali ku jeton shezlloni arrin deri në 4 euro.
Mesazhi i qytetarit për “JOQ Albania”:
“miremengjes JOQ. Shkova te shtunen ne Durres n plazh dhe shezlloni ishte 7 mij lek, pa asnje lloj sherbimi, pa muzik n hapsiren e plazhit,
rera ishte pis, pa dushe , vetem nje cezem qe mund t shplaje kembet, dhe me e forta ishte se ne daten 1 korrik do ti benin shezllonet 10 mij lek.
ne itali ku jetoj une shezlloni eshte 3 euro ose dhe 4 euro.
/Burimi: JOQ Albania/GazetaAtdheu.com/
