Kompania e njohur celulare Vodafone Albania është kthyer në një problem mjaft shqetësues për abonentët, pasi bëmat e kompanisë për të zhvatur xhepat e shqiptarëve nuk kanë të mbaruar. Shpesh herë, fal ofertave dhe paketave “guackë” që ata ofrojnë, arrijnë të marrin paratë e qytetarëve dhe në këmbim u japin atyre një shërbim që lë shumë për të dëshiruar.
Mes dhjetra denoncimeve të mbërritura çdo ditë në redaksinë e JOQ ALBANIA, i fundit i ka vënë “vulën”. Pak më parë pranë redaksisë së JOQ ALBANIA, ka mbërritur një video ku një abonent i Vodafone Albania shprehet i pakënaqur teksa pyetet nga punonjësja e kompanisë në fjalë. Qytetari thotë se ka dy numra në këtë kompani, ndërsa thekson se harxhon 200 mijë lekë në muaj për shkak se interneti mbaron çdo javë. Ndër të tjera, qytetari shprehet se nuk e kupton arsyen se si mund të harxhohet aq shpejt oferta, duke shtuar se nuk është aspak i kënaqur me kompaninë Vodafone Albania.
