Siç e ka bërë të zakonshme kohët e fundit, Lulzim Basha vijon të dalë duke takuar banorë nëpër Shqipëri.
Sot ishte në Manëz, një zonë e prekur nga tërmeti i 26 nëntorit.
Teksa është në prag fushate dhe zgjedhjeve të vitit të ardhshëm, Basha përpiqet të mbajë afër banorët, por edhe prej tij janë të zhgënjyer.
Një kritikë të drejtpërdrejtë, kreu i PD-së e ka marrë nga një banor që po takonte.
Qytetari nuk shihte shpresë as tek Basha, dhe i tha se ai ishte shumë larg popullit, dhe këto takime sipas tyre, i ka nisur me shumë vonesë.
Basha nuk e ka kundërshtuar banorin, madje duke e pohuar në heshtje konstatimin e tij. Kreu i demokratëve thjesht shtoi se do jetë me ta për çdo problem të tyre.
Biseda nga takimi:
Qytetari: Të kërkoj falje, por më lejo të të bëj një kritikë, për shkak të moshës se je më i vogël se unë…
Basha: Të lutem…
Qytetari: Je me shumë vonesë. Duhet të kishe dalë më parë në popull…
Basha: Kam qenë…
Qytetari: Duhet të jesh më afër me popullin dhe ato që të rrethojnë ty….
Basha: E pranoj…
/Gazetaatdheu.com/
