Një episod i pazakontë është regjistruar në zonën e “21 Dhjetorit” në Tiranë, ku një klient, pasi përfundoi blerjet në një dyqan, mori pa dashur çelësin e makinës që ndodhej mbi banak.
Në pamjet e mbërritura në redaksinë tonë shihet qartë momenti kur i riu, pas kryerjes së pagesës, shtrin dorën mbi banak dhe, krahas blerjeve, merr edhe çelësat duke i futur në xhep. Veprimi i tij duket se ishte i paqëllimshëm, por ka shkaktuar jo pak telashe.
Pronari i çelësave, i cili ka mbetur pa mundur të përdorë mjetin e tij, i bën thirrje të riut që të kontaktojë dhe t’ia rikthejë sa më shpejt, pasi mungesa e tyre i ka prishur shumë punë dhe e ka lënë në situatë të vështirë.
<iframe width=”458″ height=”815″ src=”https://www.youtube.com/embed/2B3IGIn5H00″ title=”” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>
