Kryeministri Edi Rama ka reaguar pas arrestimit të komisionerëve në kuadër të dosjes “339”, për shitblerje votash.
Rama thotë se 14 nga të pandehurit janë përfaqësues të PD e LSI dhe 8 të tjerët të PS-së. Kreu i qeverisë thekson se arrestimi i përfaqësuesve politikë nga SPAK është shembulli pse duhen depolitizuar komisionet zgjedhore.
Postimi i Ramës në Twitter
Arrestimi i komisionerëve politikë të dosjes së famshme të Dibrës, nxjerr në pah psenë e domosdoshmërisë së depolitizimit të administratës zgjedhore! 14 të pandehur të PDLSI dhe 8 të PS janë prova se kush bërtet më shumë e nuk do depolitizim, i ka duart të zhytura thellë në llum!
Për mua janë 22 individë të gabuar, në vendin e gabuar dhe detyrën e gabuar, që duhet të shërbejnë si shembull i padiskutueshëm për largimin përfundimtar të partive politike nga komisionet e zgjedhjeve! Le të vendosë drejtësia për ta pa dallim dhe mësimi për ne është: DEPOLITIZIM! /GazetaAtdheu.com/
LEXO EDHE: