Edi Rama ka qenë i ftuar në emisionin “Zonë e Lirë”, ku ka folur për krizën e paralajmëruar, ndërsa përballë kishte avokatin Adriatik Lapaj.
Ndërkohë pas diskutimeve për problemet në vend dhe debateve mes Ramës dhe avokatit, në orën 23:00 në emision bie gongu, i cili tregon se emisioni duhet të mbyllet për disa minuta, pasi në ekran do të transmetoheshin lajmet.
Këtë gjë Rama nuk e ka pranuar dhe e ka refuzuar, duke detyruar pronarin e Tv Klan, Aleksandër Frangaj që të vijojë me emisionin dhe të shtyjë edicionin e lajmeve. Rama tha se nëse Frangaj do t’i mbyllë gojën, atëherë mund të mbyllë emisionin, por do të duhet ta mendojë mirë këtë veprim.
Rama:
Thuaji Sandrit që “shyqyr që erdha në një emision ku po flas me dy njerëz për njerëzit”. Jo me dy analistë për seksin e ëngjëjve. Aleksandër nuk ka. Regjimi vendos që djali do flasë, do vazhdojë emisioni. Nëse Aleksandër Frangaj do të na mbyllë gojën, le të heqi dritat, por ta mendojë mirë.