Qeveria shqiptare ka vendosur të shtunën të krijojë një institucion të ri, roli i të cilit ka të bëjë me mediat. Ky institucion do të kontrollojë marrëdhëniet publike të të gjitha ministrive dhe do të drejtohet nga zëdhënësi i kryeministrit.
Institucioni do të quhet Agjencia për Media dhe Informim. Ai ka për detyrë të përcjellë në publik aktivitetin e kryeministrit dhe ministrave, pra propagandën e qeverisë dhe të “monitorojë median” për të parë reagimin e publikut ndaj qeverisë.
Sipas vendimit agjencia “vëzhgon publikimet e mediave dhe mjetet e komunikimit masiv, për të evidentuar perceptimin dhe qëndrimin e publikut” ndaj veprimtarisë së qeverisë.
