Kryeministri Edi Rama paralajmëroi teksa ishte i ftuar në ‘Opinion’, se nëse do të vijojnë rritje të infektimeve me Covid-19, Shqipëria rrezikon një mbyllje tjetër.
I pyetur nga gazetarët në studio se a është Shqipëria gati për të përballuar përkeqësimin e situatës, Rama tha se aktualisht kemi dhe 50 përqind të hapësirave spitalore të lira, por shtoi se rrezikojmë që të mbyllemi sërish.
“Jemi shumë larg kapaciteteve tona të plota, kemi ende 50% kapacitete të lira. Di që nga pikpamja e përgatitjes jemi përgatitur për skenarin e vjeshtë-dimrit me kohë. Rrezikojmë patjetër që të mbyllemi, duhet të mbajmë maskën kudo.” – u shpreh Rama.
