Përpara godinës së Kryeministrisë është vendosur edhe sot një tavolinë prej guri, si simbol i ftesës së kryeministrit Edi Rama për dialog me të rinjtë që prej dy javësh protestojnë duke kërkuar dorëheqjen e tij. Ndryshe nga ditët e mëparshme, kur në këtë hapësirë ishin vendosur karrige, këtë herë është zgjedhur një tavolinë prej guri.
Ndryshimi vjen pasi studentët, gjatë protestave të fundit, u kanë vënë flakën karrigeve të vendosura për dialog dhe kanë rrokullisur gurët e vendosur më herët nga kryeministri. Me këto veprime, ata kanë shprehur kundërshtimin ndaj ftesave për bisedime, duke këmbëngulur se prioritet mbetet largimi i Ramës nga detyra.
Pavarësisht ftesave të përsëritura të kryeministrit për dialog, studentët vijojnë të refuzojnë negociatat, duke e konsideruar të papranueshme çdo bisedë për sa kohë nuk plotësohet kërkesa e tyre për dorëheqje. Situata mbetet e tensionuar, ndërsa protestat vijojnë përpara Kryeministrisë.
<iframe width=”460″ height=”818″ src=”https://www.youtube.com/embed/4-p1u_CwMl8″ title=”Përpara godinës së Kryeministrisë është vendosur edhe sot një tavolinë prej guri” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>
