Situata e COVID-19 në Kosovë vijon të mbetet shqetësuese.
Kosova po përpiqet të gjejë mënyrat për të frenuar përhapjen e shpejtë të koronavirusit, i cili deri më tani ka marrë 102 jetë njerëzish e ka infektuar rreth 5 mijë vetë.
Shifra të larta të infektimeve ditore po raportohen çdo ditë, me 216 të prekur e 1 viktimë, të shënuar gjatë 24 orëve të fundit.
Kryeministri Avdullah Hoti tha se të dielën se do të fillojë një zbatim shumë rigoroz i masave ekzistuese, e do të ndërmerren masa të reja kundër përhapjes së koronavirusit.
Tubimet publike dhe ritet fetare do të ndalohen.
Ministri i Shëndetësisë në Kosovë, Armend Zemaj deklaroi të hënën se po rrisin kapacitetet e stafit shëndetësore dhe inspektorëve që do të monitorojnë zbatimin e masave në të gjithë vendin.
Paralelish tme rritjen e rasteve janë shtuar edhe shtrimet në spital, ku të dielën u raportua për 301 pacientë me koronavirus.
/Gazetaatdheu.com/
