Përveç aksionit në Peqin, RENEA ka zhvilluar këtë mëngjes edhe një aksion në Qafë-Plloçë të Pogradecit.
Bëhet me dije se është arrestuar 52-vjeçari Ilir Berberi, me rrezikshmëri të madhe shoqërore.
Forcat e specializuara rrethuan banesën e tij, ku jetonte me gruan dhe vajzën.
Në momentin e ndërhyrjes, Berberi ka qenë në gjumë, dhe nuk ka pasur rezistencë.
Banesa e tij gjendej në një kodër, rreth 500 metra larg shtëpive të tjera.
Në të u gjetën edhe armë zjarri e fishekë pas kontrollit.
Kush është Ilir Berberi?
Ilir Berberi ka qënë i dënuar për vjedhje, gjobëvënie dhe armëmbajtje pa leje. Ai është hetuar edhe për disa ngjarje të rënda kriminale, si vrasja e shefit të komisariatit të Pogradecit, Agron Gjyrezit.
/Gazetaatdheu.com/
