Përveç protestave në bulevard për shembjen e Teatrit Kombëtar, qytetarët kanë shfaqur revolta duke rrëzuar dhe koshat e mbeturinave në rrugët kryesore në Tiranë, siç është ajo ”Dritan Hoxha”.
Gjithashtu, policia ka vendosur të ngrerë një post-bllok në dalje të qytetit të Elbasanit për në kryeqytet, teksa u pa se protestuesit po mësynin dhe nga qytetet e tjera.
Postblloku është ngritur në rrethrrotullimin e Bradasheshit, në hyrje të autostradës “Elbasan-Tiranë”.
Atje ka pasur shërbime të përforcuara pas një urdhri të posaçëm të Ministrisë së Brendshme. Pas ngritjes së këtij postblloku policor është paralizuar plotësish qarkullimi drejt qytetit.