Presidenti i Portugalisë Marcelo Rebelo de Sousa, i cili po kërkon një mandat të dytë në zgjedhjet e 24 Janarit, ka rezultuar pozitiv me koronavirus por deri më tani nuk ka treguar asnjë simptomë, raporton Reuters.
72-vjeçari kishte një debat të madh presidencial të planifikuar për të Martën, si dhe një takim me ekspertë të shëndetësisë për të diskutuar detajet e një bllokimi të planifikuar që do të njoftohet të Mërkurën, por zyra e tij tha se ai tashmë kishte anuluar të gjitha paraqitjet e tij publike.
Në një deklaratë të shpërndarë në faqen e tij zyrtare, zyra e Rebelo de Sousa tha se presidenti tashmë ka informuar Kryeministrin Antonio Costa dhe Ministren e Shëndetësisë Marta Temido për situatën.
”Presidenti kishte rezultuar negativ dje, dhe megjithëse testi i sotëm i antigjenit është negativ, tani, në orën 9:40 pasdite, testi PCR ishte pozitiv,” – shtoi deklarata.
Rebelo de Sousa do të vetë-izolohet në rezidencën e tij zyrtare në Lisbonë, tha deklarata. Rezultati i tij pozitiv i testit vjen pasi ai doli negativ në 6 Janar pasi ishte në kontakt me dikë që ishte infektuar dhe kështu rifilloi orarin e tij të punës./dosja.al
