Aeroporti ndërkombëtar “Nënë Tereza” i Rinasit, po i kthehet gradualisht normalitetit. Kompania italiane e fluturimeve ajrore “Alitalia”, është një nga kompanitë që pritet të rikthejë fluturimet me Shqipërinë.
Sipas portaleve italiane, nga 1 korriku do rikthehen fluturimet tre herë në javë me vendin e shqiponjave.
Të hënën, të mërkurën dhe të premten do të fluturohet nga Roma për në Tiranë nga ora 17:30.
Kurse kthimi do jetë të martën, të enjten dhe të shtunën në mëngjes në orën 7:20.
Kryeqyteti shqiptar është pjesë e 13 aeroporteve të reja ku Alitalia do të startojë fluturimet nga korriku.