Kryebashkiaku i Tiranës, Erion Veliaj ne shkelje te hapur do te mbledh te henen Këshillin Bashkiak për t’i hapur rrugë prishjes së Teatrit Kombëtar.
Mirepo nga dokumenti i siguruar ajo çka bie ne sy eshte se në mesin e anëtarëve të këtij këshilli, që pritet të vendosin me votë për prishjen e ndërtesës ikonë të Tiranës do jetë edhe Mira Rakacolli (Kapisyzi), zëvendësministrja e Shëndetësisë.
Paradoksi qëndron te fakti se Rakacolli është edhe drejtuesja e Komitetit Teknik për menaxhimin e pandemisë së koronavirusit.
Emri i saj u publikua nga kryeministri Edi Rama pas shumë insistimesh nga media dhe opozita.
Megjithatë, fakti që një zëvendësministre drejton një task-forcë ekspertësh, u prit me kriticizëm.
Tani ajo do jetë pjesë e grupit që do ngrejë kartonat për të votuar një nga vendimet më skandaloze në historinë e Tiranës si kryeqytet.
Ky vendim po merret në kohën kur vendi është në gjendje të jashtëzakonshme për shkak të pandemisë së koronavirusit.
