Robert De Niro ka zbuluar se është bërë baba për herë të shtatë, në moshën 79-vjeçare. Zbulimi i tij erdhi fillimisht si përgjigje ndaj pyetjes së një gazetari të ET Canada drejtuar De Niros, i cili ishte në Çikago për të promovuar filmin e tij të radhës, i quajtur rastësisht “Rreth babait tim”.
Kur gazetari e pyeti për gjashtë fëmijët e tij, aktori normalisht e korrigjoi atë, duke i thënë: “Shtatë, në fakt. Sapo lindi edhe një fëmijë.”
De Niro, i cili është martuar dy herë, ka një vajzë 51-vjeçare të quajtur Drena dhe një djalë 46-vjeçar të quajtur Raphael me gruan e parë Diahnne Abbott. Ai ka një djalë 25-vjeçar të quajtur Elliot dhe një vajzë 11-vjeçare të quajtur Helen me ish-gruan e tij tjetër, Grace Hightower. De Niro është gjithashtu baba i binjakëve 27-vjeçarë Aaron dhe Julian me ish-të dashurën Toukie Smith./ABC7ny
