Greqia nuk do t’ja dijë për krizën e emigrantève që po presin në pikat kufitare shqiptare për t’u futur në tokën helene.
Nga nesër në Greqi do futen vetëm 1050 qytetarë çdo ditë.
Autoritet bënë me dije se, të gjithë udhëtarët duhet të kenë kryer testin e COVID-19 dhe të kenë rezultuar negativ përpara se të futen në tokën helene, si dhe të kenë plotësuar formularin PLF.
Policia e Shtetit sqaroi se çdo ditë nga Kakavija, do të futem 750 qytetarë dhe 300 të tjerë nga pika doganore e Kapshticës.
Ja njoftimi i plotë i Policisë së Shtetit:
“Nisur nga masat kufizuese për shkak të COVID-19, Policia greke ka njoftuar Policinë Kufitare në Kakavijë dhe Kapshticë se duke filluar nga data 16.08.2020, nga ora 06:00 deri në orën 22:00 të çdo dite në vazhdim, për të hyrë në Republikën e Greqisë, nëpërmjet Kakavijës do lejohet të hyjnë në Greqi vetëm 750 shtetas çdo ditë, ndërsa nga Kapshtica vetëm 300 shtetas çdo ditë.
Për të hyrë në Republikën e Greqisë prej datës 17 gusht sërisht qëndrojnë në fuqi kushtet:
Të kenë kryer testin e COVID 19, jo me vonë së 72 orë nga dita e udhëtimit dhe rezultati të jetë NEGATIV;
Testimi të jetë bërë nga autoriteti shtetëror (Instituti i Shëndetësisë) ose nga çdo spital apo klinikë e certifikuar dhe e njohur nga shteti;
Certifikata të përmbajë të dhënat personale të personit, numrin e pasaportës ose të kartës greke, rezultatin negativ të testit, emrin e Institucionit ku është kryer testimi, adresën, numrin e telefonit, si dhe të jetë e përkthyer në gjuhën angleze;
Do të lejohen të hyjnë në Republikën e Greqisë shtetasit që kanë leje qëndrimi greke ose shtetësi greke, punëtorët sezonal, si dhe çdo shtetas që ka marrë konfirmim nga autoriteti përkatës;
Çdo shtetas që do të hyjë gjithashtu duhet të këtë plotësuar formularin PLF.
Lëvizja drejt Kosovës , Maqedonisë së Veriut dhe Malit të Zi vijon si më parë.
Policia Kufitare apelon për qytetarët që duan të udhëtojnë në drejtim të Greqisë që mos të dynden në të njëjtën kohë drejt pikave kufitare dhe ata që do të udhëtojnë duhet të plotësojnë të gjitha kriteret e vendosura nga pala greke, për të mos krijuar radhë e vonesa gjatë përpunimit të dokumentaconit të këtyre shtetasve.
Ky sqarim vjen pasi radhët e makinave në pikën kufitare të Kakavijës dhe Kapshticës ka shkuar në dhjetëra kilometra. Qytetarët, me gra e fëmijë, janë torturuar në diell e temperaturë të larta.
Disa persona kanë shfaqur edhe probleme shëndetësore dhe janë dërguar me urgjencë në spital, ndërsa ambulanca përplasi për vdekje një fëmijë 10-vjeçar. Rama ka theksuar se për këtë çështje është në komunikim të vazhdueshëm me palën greke”.
/Gazetaatdheu.com/
