Gjykata e Apelit ka liruar nga paraburgimi për Rexhep Gjunin, i cili akuzohej për rrëmbimin e nipit të tij 3-vjeçar.
Gjykata e apelit te përgjithshëm ndryshoi masën për Gjunin dhe për Arben Selajn, bashkëpunëtor në krim, nga arresti ne burg ne arrest shtëpie
Bëhet fjalë për ngjarjen e ndodhur në Durrës, ku të dy gjyshërit e 3-vjeçarit mbajtën të fshehur nipin për 8 ditë me radhë, ata donin ta rrisnin vetë vogëlushin, pasi që pas vdekjes së djalit të tyre, 3-vjeçari jetonte me nënën e tij dhe me prindërit e saj.
Për këtë arsye gjatë një takimi me të miturin ata e morën atë dhe e fshehën nga nëna e tij e cila bëri edhe denoncimin.
Pasi u dorëzua në polici gjyshja e të miturit deklaroi se për 8 ditë kishin qëndruar të fshehur në Kukës dhe Has.
