Ish-ministri i Shëndetësisë, Ilir Beqaj, pasi rrënoi shëndetësinë me tendera e dhënie parash për oligarkët e preferuar të Rilindjes, tani jep mend edhe për koronavirusin.
Në një postim në Facebook, ai shprehet se beteja me COVID-19 është në bregdetin e Jugut të Shqipërisë, konkretisht e ka me lokalet që frekuentojnë të rinjtë.
Ish-ministri thekson se në baret dhe klubet e natës po lejohet të ndodhin “plagosje me paramendim”.
Por, në postimin e tij, Beqaj përmend edhe emra specifikë lokalesh, ku i quan fajtorë për përhapjen e virusit.
Ndërkohë, numri më i lartë i të prekurve është në Tiranë, ku janë edhe më shumë se gjysma e rasteve aktive.
A është vërtetë kaq i interesuar Beqaj i Rilindjes për koronavirusin, apo tani ka filluar të vendosë gjoba për lokale të caktuara?
Postimi i Beqajt:
Lufta me Covid-19 është luftë në territor.
Beteja kryesore këtë javë është në bregdetin e Jonit.
Beach bar më beach bar dhe club më club. 24 orë në çdo ditë.
Duke filluar nga prototipët si Nazar e Folie Marine e të gjithë me rradhë.
Aty po lejohet të ndodhin “plagosje me paramendim”.
Aty po sakrifikohet sakrifica 5 mujore e personelit shëndetësor.
Aty po nëpërkëmben politikat mbështetëse ndaj grupeve më të dëmtuara nga pandemia.
Babëzisë së pronarëve së atyre bizneseve për të fituar shumë e shpejt në kurriz të shëndetit të shqiptarëve duhet t’i përgjigjemi me forcën e ligjit.
Karshillëku i administratorëve të atyre bizneseve për të shkelur ligjin meriton ndëshkimin shembullor.
Situatat e paqarta që kalojmë kërkojnë vendosmëri të leadershipit.
KOHA ËSHTË TANI!
/Gazetaatdheu.com/
